[عدنان منعم]

ساكن بانفاسي * خدمتك نوماسي

خادم وماعوفك *كعبه واحنه نطوفك

بالحشر عنواني بالحشر

خادم وعالي بخـــــــدمتك ساكن بوجداني

ها مي مادنكته تدري يالـــــصرت عنواني

مافاركها المـــــــــــــــجالس بالعزه تلكاني

بوسط كلبي ياامامي تســــــري وبشرياني

بيك رافع راسي * خدمتك نوماسي *بالحشر عنواني *بالحشر

عالعهد وياك نبقـــى لاابد منعــــــــوفك

انته ترتيل الرساله بكل دعاء انشـــوفك

حسين عنوان الرساله منزلات احروفك

يالصرت كعبة فؤادي انحج الك ونطوفك

غايتي ونبراسي * خدمتك نواماسي * بالحشر عنواني بالحشر

يالخدمتك روح بينه تسري وي مسره الدمه

شكثر عشاكك كلها بســــــــــــــــمك هايمه

تعاهدت ماتنسه شخصك والعهد وي فاطمه

يانفس طه نبينه وياعزم حامي الحــــــــمه

بالحشر مااقاسي * خدمتك نوماسي *بالحشر عنواني بالحشر

تسري وي دمي محبتك انته شوف عيوني

افتخر اسمي حسيني ورافضــي يسموني

انه مجنون بمحبتك عقلي صار جنــــوني

كلها لو تجتمع ضدي حســـــين ماينسوني

رافضي وماناسي * خدمتك نوماسي * بالحشر عنواني بالحشر

بالقيامه الصوت يدوي وين خدام الحســـين

انتو واسيتو الزجيه والدمع يجري سنــــــين

شماسمعتو الناعي ينعى عالصدر تنزل ادين

عالصدر نكتـــب عباره وقف لم الحســــــنين

بالنحور انواسي * خدمتك نوماسي *بالحشر عنواني بالحشر

وبالحشر ننصب ماتم والعزه بســــــــمك يصيح

اه ياروح الزجيه اه ياحســـــــــــــــــــين الذبيح

من طفوفك للقيامه الكلب لجــــــــــــــلك جريح

وشلته بين ضلوع صدري سيدي هوه الضريح

انته صرت انفاسي * خدمتك نوماسي *بالحشر عنواني بالحشر

خادم الحسين *عدنان منعم