[صفاء العامري]

ابوذيات غزل
*************
السباني ابخــــزرته اوشفته وجيـــده
مشــيت ابــــدرب الينـــوله وجيـــده
وصلــته اويــوم مس ايـدي وجيـــده
لأن مـوگــــدغـــرامه استعـــــربــيه
**************************************
رسـالـــت شــــوگ لليهــــواك ودها
حنـيـنه الــــروح الك واخبـــارودها
اطيـح ابمــــرض مثل ايـــوب ودها
لـــــون تگـطـــع مـــراسيلـك عليــه
**************************************
صــرت كالعـــود بـس هـدمي لماني
ابهـــواك اوحتــی المســــودن لماني
تـــــرف لتظــــن أصِـدعـنــك لماني
تِصِـــد روحي اوتــــوافيـــني المنيه
**************************************
ســگم حالي ابجفه احبــابي هـــداني
اوزماني ابكـــرم للعــــاذل هـــداني
عِـميت اوعالــدرب شامــت هـــداني
رگـص يــــوم التـــدَهرَبت ابهـبـيــه
***************************************
دولاب الهـــــوی اليفــتـــرفــــراني
ابهـوی البــرماح خـزراته فــــراني
رماني ابنظــــرة اعيـــونه فــــرآني
طـــريح اوماعـطف لاحــــن علــيه
***************************************
الگــلب بسهام هجــــرك ماخطيـــته
اوطحت جدمي ابغيــابك ماخطيـــته
جنــــيت اويــاي ذنبــــك ماخطيـــته
ابـوَصــل يبن الأصــل واگطعت بيه
***************************************
عِـطشت ابملعب النــاهي ومُـــرماي
محبته اوبالعشگ واگــع ومَـــرماي
گِـمِت مابيّه حيـــل انهـض ومَرماي
خَــلـَت واهـــداف شــوگه اتـزيد بيه
***************************************
حبـيــبي ابگـــلبي الــك هايـــج ولمّا
هِـــــدَا اوبجــفــاك يتـــــوَســـّع ولما
لــــون تِــبعِـــد جَــسَـد ابقــــی ولمـا
عــلی تــــرجـع تِــــرد روحي عليـه
****************************************
وحـگ حُب الرّضيع ابشـــــوگ لمّا
جِمَـــع گــــلبي الحــــزن بجفاك لما
هــــم تِــــدري عـــــليّه اشحـدث لما
سِــرت مجنــــون صرت ابــلاوعيه
***************************************
ينـــاهي إتألـِّمَت روحــــي منـــلماك
واحــــس ابنــاربحضـــاني منــلماك
لـــون قطــــرات تسگيـــني منـلماك
تِـهيـــــدانتـــه اوتِطــــفـّي النــاربـيه
****************************************
حبيــبي اشلـون الك قـدره والكــبأس
اتـّحمّــل عَصــرَة الفـرگه والكــباس
امنشوفن غـيري شم خدك والكــباس
احــــس جمــــرات بشفافي ســــريه
***************************************
ينــاهي أسله ابجمـالك چنت ولهــب
وصــالك وابجــفاك اشتِــيـــروالهب
عـلی اعطف يغالي الـــروح ولهــب
غــــرامك يل كـــلامك عـــــذب ميه
**************************************
يخل تدري اشــّــرابي ابلاك شكــلي
سگــم وامصوفـــراوذبــلان شكــلي
تـــرف مِــيّت سهــم بحشاي شكــلي
صــــدودك يـل وجــــودك سنــــدليه
***************************************
يگلبي اشبـيك تِـخفِـج حيــــل وطـّب
اوتشگ صدري اوتهج واتعودوطب
عِـجَـــزويّـــاك كـــل العِـــلِــم وطب
اودِواك اهـــــواك شال اوگطع فيــه
***************************************
تـــرف گِــلي ابغيابي اشلــون حالك
وأنا ابليـــّاك صبحــي إنــــدارحالِك
لـون طــــول الهجــــرللضـّيم حالك
أنا الضــــيم ابجفــــاك احتــــاربيــه
***************************************
الشاعر محمدابوعمارالحزباوي-الأهواز2013