|
|
عضو متواجد
|
|
رقم العضوية : 49227
|
|
الإنتساب : Mar 2010
|
|
المشاركات : 89
|
|
بمعدل : 0.02 يوميا
|
|
|
|
|
|
المنتدى :
المنتدى الثقافي
مو بيدي إلك أبجي ويهـل دمعي
بتاريخ : 09-12-2012 الساعة : 12:33 AM
مو بيدي إلك أبجي ويهـل دمعي اجمع كل قواي وينكسر جـمعي مو دمعي على خـدودي جمـر ينزل مثل دمع الشمع بـي نـار إذا يهـمل وأنـفـاسي أحـس بيه وهـج تـشعـل وحــرارة أبعاطفت حبــك فـلا تـنمل مـن اسمع مصـابك يختـلـف سمعي كـلبـي والرجـل والـرأس والعيـنيـن مو بيدي العقل ما ادري بي لا وين يرجف جسمي كله وترجف الايدين ارجف لو يمر سمعي ذكر الحسين وكل أحشائي الك حتى العظم ينعي حـالي يختـلـف وتـصيـر بـي حـاله مــن اذكــر حـسين واذكــر عيــاله أوصـالـي أحسها أتنـاغـم أوصـاله عـيـوني بـلا وعـي تبجيـله همـاله ولـوعـاتي ألـوعـن بيهه مـن تلعي تهيـج أجـروح بيه وتلجـم أجروحي وتـضل روحي عليكم تـلطم أبروحي وتـنصبلك عــزاء أبـأنـتي أونـوحـي ويفضحني لساني ابسري وبـوحي ويمنعني اليـبغـضه مـا كــدر منعي مجـنـون ويـهـيـج أبحـبك جـنـوني مـن يخلـص دمع أبجيلك أعـيـوني وأصـير أتـراب خدامك يـدوسـوني ومثل جفينه كـون انـه يكطعـوني وابــاب الصحـن أبجيــله وادعـي
| |
|
|
|
|
|