|
عضو برونزي
|
رقم العضوية : 3007
|
الإنتساب : Mar 2007
|
المشاركات : 960
|
بمعدل : 0.15 يوميا
|
|
|
|
كاتب الموضوع :
بسام الشلاه
المنتدى :
المنتدى الفقهي
بتاريخ : 24-06-2007 الساعة : 09:50 PM
الأمامين العسكرين عليهما السلام
!
15/06/2007م - 1:12 ص | عدد القراء: 174
للشاعر ابو احمد الحداد المسعودي
في يوم الأعتداء الآثم على منارتي الأمامين
العسكرين عليهما السلام في سامراء !
...............................
صبحت إصباح
هذا اليوم كلبي إتواكلهّ
الطركه !
مفزوع إبحلم
رافجني تالي الليل
ثاريه بحقيقه وصابني
إبحركه !
كل ظني إبحلم
والموت عل البيبان
طب بيتي وزرك ...
زركه !
وأشوف النوب
حالي إميتّم الأحزان ...
بالحزن الجبير إمناره
محتركه !!
ظربو كبة الهادي
الرمز والعود ...
وإنهارت مناره اللالت
إبعشكه !
ياصرح المحبه
إجفوفك إبأيمان...
كبرّت إبزمن أيامه
متلبكه !
قسفونك عداوه
وحاربوك إبثار ...
ظربونك قذيفه إسلاحهم
تفكه !
سارت للمنايا
إرواحنه وياك ...
والصرخه الجبيره بصوتنه
إمحشكه !
موتونه إبوطن
والكاع لينه كبور ...
كفرونه إبفتاوىشيوخهم
فتكه !
بعمايم إبن جبرين
وإبن الباز ...
إرهاب وجهل ووجوه
متأفكه !
سامره الزمان
إوياج هم ينعاد ...
ماتنعاف كاعج تربه
متمسكه !
نبني إسوار
بيتج بالحسن ينشال ...
ونعمّر المناره الوكعت
إمحركه !
او نكتب عل التراب
الشالنه إبعرفان ...
منعيف الوطن ينباك
بالضنكه !
هاي أحوال شعبي
إمذابح إبتفخيخ ...
يوميه إبقذيفه وعبوّه
مترشكه !
صنفونه طوائف
باعدونه إبدين ...
طشرونه مذاهب والعدو
إبدبكه !
نبكه إبكل زمن
تاريخنا إبأمجاد ...
مكتوب إبقلم قاموسنه
إنعشكه !
عراقي آنه الوطن
وياي ماينباع ...
وحدوده رسم بعروكي
متلزكه !
عنواني الولايه
إمنارتي الوذان ...
ولساني يكبّر يحسن
الملكه !
عراقي آنه
إبهويتي
وجنتي بالنهرين ..
وأشرب ماي حبنه وتكبر
النبكه !
وأرسم للوطن
خارطته عل الحيطان
وأرفع بيرغه بنجمات ..
معتلكه !!
تمت ولله الحمد
|
|
|
|
|