[مهيمن الاسدي]

انصحك من كلب ولسان انصحك وبحسن نية
لا تتعوذ الشيطان كدام الوهابية !!
--------------------

ابوهم هذا مايرضون خللفته وهوه رباها
وكل لحية وهابي تشوف الف شيطان جواها
من تتعوذ الشيطان تعرف شنو معناها ؟؟
معناها تريد تكول اعوذ من ابن تيمية
لا تتعوذ الشيطان كدام الوهابية !!
--------------------

معناها تريد تكول اتعوذ من العرعور ؟
لا تتورط اترجاك ويه اهل العيون العور !
شايف نفخة اسرافيل من ينفخ اببطن الصور ؟
هيج انته ينفخونك تره من الكتل ليلية
لا تتعوذ الشيطان كدام الوهابية !!
----------------------

استقال ابليس من شغله وميحرك بعد ساكن
وسلّم رايته لولده وبقه متفاجئ وصافن
اكثر واحد مدلل بذريته ابن لادن
لان بيناتهم يوجد شبه بالشكل والنية ..
لا تتعوذ الشيطان كدام الوهابية !!
-----------------------

ابليس بخلفته هايه تريد الصدك ما مبخوت !
ولو جان الامر بيده صدّك جا اختار الموت
اكثر واحد يشبهه طبق الاصل صورة وصوت
حشى السامع الكلباني حسب آخر احصائية
لا تتعوذ الشيطان كدام الوهابية !!
------------------------

رضعوا من ثدي ابليس ذوله من الزغر زنجار
واذا تتعوذ الشيطان يم واحد ثيابه كصار
العريفي بخطبة الجمعة بفتوى يدخلك للنار
وفنك بالغلط لويوم طبيت السعودية
لا تتعوذ الشيطان كدام الوهابية !!
----------------------

يُنقل عن ابن جبرين رواية هواي مسنودة
اليتعوذ من الشيطان تصبح عيشته سوده
اليطب المملكة بوكته مثل اليطب برمودة
اليسب ابليس كدامه يضيع اوله وتاليه
لا تتعوذ الشيطان كدام الوهابية !!
-------------------

لعنة الله على الشيطان شوف شلون نساني
ابن عبد الوهاب الجان شيطان باسم ثاني
من الهج بطاريّه يتننجس تره الساني
ولازم اغتسل مرتين من الهج بطاريّه
لا تتعوذ الشيطان كدام الوهابية !!
----------------------

بوكت ابليس ماكو ابليس ثاني يحرّضه ويغويه
لكن من عصه ربه اكو سر البعض يخفيه
نطفة ابن تيمية بظهره وجانت تحاجيه
وعصه ربه بعد ماجان عابد يحب باريه
لا تتعوذ الشيطان كدام الوهابية !!

-----------------------------------

اهزوجة
*******

العهده بذمة الراوي يروي فلان عن فلان
نطفة وبصلب ابليس ابن تيمية كالوا جان !!
وربك من امر ابليس يسجد طاعة للرحمن
امتنع بس اقتنع بعدين واجه يسجد بحب وايمان
ونطفة ابن تيمية زعلت منعت الشيطان !!

( ومن ذيج الليلة ابليس اتحول كافر )