|
قصيدة مجلس النواب ..
كتبتها من غربتي ... فهل انا في الوطن ؟؟ هذي جنه و هذي نار ما اريد الانتحار ولا اريد الانتظار ما اريد آخذ قرار بالعراق الحنطه وفره بس نريد اشويه نار عدنه تنور وحطبنه اويه النزاهه عنده ثار .... ما اريد الجشعمي يعوف الدراسه وينمرد بيد الحصار كَال مره ... (آنه عفت المدرسه ابجف الحصار لان ما خبزت رغيفي المدرسه ولوبقيت أطلب علم هاي السنين چا رصيف السوگ ياهو اليكنسه ...؟؟؟ ) .... هذي جنه و هذي نار والله عار وجدي عار شعب العراكَـ ابعظمته يصير بي هذا الي صار والله ملينه الاخبار وكل صباح يمر شعار منكم والكم (خرافه) كلنه نسكن بالاجار !! .... هذي جنه و هذي نار بيدي آخذ اتجاهي وما اريد آخذ قرار بيدي فاس وبيدي معول بس عليمن ابني دار ليش ابني وجاري يهدم ما اريد ابصفي جار .... هذي جنه و هذي نار شاب راسي وآنه انده زدني يا ربي وقار جيبي فارغ مو قناعه مزكته اسنون الاسعار ابني مات بليله الهه لسه ما بيّن نهار .... هذي جنه و هذي نار ما اريد اخذ قرار الوزير الواعداني فجأه طار وصار لاجي والحصانه بخدمته سكة قطار وسايق السياره واكَف ينطر ابّاب المطار ! انه ما اخذ قرار هذي جنه وهذي نار بالعراق الجـِبـِنْ كثره ومجلس النواب فار ومــجــلـــــــس الـــنـــــّواب فــــــــار *** ** * ْ ْ ْ ْ |
يالله والله مااعرف شنو اكول سامع بهالمثل ..هم يضحك هم يبجي..
ماادري اضحك عالنهايه مال القصيده ماادري ابجي على حالنه الغربه ارحم بحال اولادنه من الوطن اريد اكمل بس والله ضيعت علي كل الكلام الله ارحم بحالنا هذا قدرنا .. شكرا لكم اخي المبدع على روعة هذي القصيده |
حيا الله الفاضله الدائمة الوصل اختنا ايمان حسيني رعاكِ الله و سدد خطاكِ اطرائكِ ابلغ بكثيييييير من متواضع حروفي حياكِ الباري الله يفرج هموم العراق ان شاء الله قريبا |
اللهم صلي على محمد وال محمد يالله رجع كل غريب لدياره ,, حقاً كلماتكم تحزن لها العين احسنتمً ,, موفقين لكل خير |
واقع مر والحلول لا تاتي الا في موسم الانتخابات ثم تذهب كما نقول (زركة سهيل)
مولاي العزيز زكي الياسري برغم مر المعاناة التي حملتها قصيدتك الا انها كانت جدا رائعة تحياتي لك يا مبدع وسلم يمينك وبوحك المعطاء |
تحياتي للعزيزه الفاضله ربيبة الزهراء على هذا المرور العطر اللهم سهل امر كل غريب بحق ام البنين حياكم الله تعالى |
الشاعر المبدع احمد العراقي هذا حال الوطن للاسف ان شاء الله الفرج قريب حياك الله على المرور و على الاطراء العطر |
السلام عليكم سيدنة
انته مواطن عراقي اصيلوعايش ابينه والقصيدة رائعة جدا الله يسهل عليك واتعود يم اهلك وتلاكي ربعك ياسيد زكي الياسري |
حيا الله الفريد الاوحد الصديق الاقدم العزيز الغااااااااااااالي السيد الجليل خادم الطفل الرضيع الحمد لله الذي جمع هنا احبابي ببركات امير المؤمنين السلام على الشاهد على رؤياي مع الامير ع |
السلام عليكم سيدنه العزيز
وحي الله من كاله والف شكر الك واني منون لك على هذا الجواب الجميل وسلام من ارض علي ابن طالب *عليه السلام * ارض النجف وشكرا |
| الشبكة: أحد مواقع المجموعة الشيعية للإعلام الساعة الآن: 06:45 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2024