اجتمعت الشيعه اعلى حيدر
-------
شرفك باطن الكعبة انته لو زدته شرف
يلي بس الله ورسوله لشانك وقدرك عرف
تعتلي أعلى المراتب وكل عباداتك تحف
بالمراجل صرت قمة الوحي من الباري هتف
الولاية فرض واجب عالجاحد الها والعرف
حشدوا ضدك الباطل يروح صف ويجي صف
بكلام الله مؤيد بعرفه غيرك منوصــــــــــف
علمتنا العمل طاعه اليزرع بجفـــه قطــــــف
للتواضع مثل رائع بيــده لخفه خصـــــــف
ابو تراب يوصفونك وانته تحبه للوصــف
وصفك بيــه الحبيب لرفع جفك باعلى جف
التوكل عاده عندك نمــت قلبــك ما رجــف
تقول لو زال الغطا ما زادني اكثر عرف
للفضائل انته مجمع الدين بجهودك وقف
يالصرت حبل الالــه بينك وبينــــه الطرف
لشامخ اصلابك حسدهم ومنبع ارحامك شرف
احسبهم حساب تعرفهم رايه عدهم بالطرف
رتبوا باطل لباطل وقالوا احنه اهل السلف
السلف رتبه عظيمه محّـد بحبــه اختلــــف
مثل عمار بن ياسر لبقي باقيهم كشـــف
سلمان من اعلى المراتب بالورع عنه انعرف
ابوذر صادق اللهجه الربذه صارت اله طـف
المغداد ما بايع الظالم وغير ربــه ما عرف
مالك القاد السرايا شرف لاصحاب الشرف
ميثم القطعـــوا لسانه وذايب بحبك شــقف
لو حجر بخط الولايـه نطى روحه ومانحرف
وين تاريخ الصحابه ليش بالزور انخطـــف
ابو عبيده صار امين وخالد للشهره انصرف
وابن عاص الدنيا دينه وعن المستوره كشف
خالهم مفسد منافق دخل مجبر ما نظـــــف
قوموا للحق انتماشى عند بولص بيـه شرف1
من تعرفون الحقيقة كل شئ عدكم يختلف
شمس ما تحتاج واصف واضحة بصدت طرف
اجتمعت الشيعه اعلى حيدر وانجمع بيها الشرف

ونسألكم الدعاء

1- بولص هو بولص سلامه الشاعر المسيحي المعروف - صاحب ملحمة الغدير
وملحمة الطف المعروفتين

كل الشكر لك اخي
حفظك الرحمن

اللهم صلي علىمحمد وآله وعجل فرجهم
نسمات شرقيه شكرا للكلمة الطيبه
والمرور
وفك الله لخدمة آل محمد
هنئا لمن وفق بدخول هذه المنابر الطاهره
لاعلا كلمة الله
وافر الدعاء بالتوفيق

اللهم صلي على محمد وآله الطاهرين
وارزقنا شفاعتهم
وعجل فرجهم
حيدر من العراق
شكرا للمرور
اعلا الله كلمة الحق واظهر دينه كما وعد
وافر الدعاء بالتوفيق