|
شوفوا شو صار معي ......
اغلب اللي متابعين لي من البداية يمكن بيعرفوا اني بديت في المنتدى ( و بغيروا من منتديات ) بمواضيع كان هدفها اجتماع الأمة الاسلامية و معرفة عدوها الحقيقي ..... و ما كان هدفي اتعرف على المذهب الشيعي ...... يعني كنت بعتبرهم مسلمين ..... مختلفين عنا لكن المفروض انو نكون ايد وحدة في الدنيا و في الآخرة ربنا اللي بيحاسب .......... هيك كانت نيتي في البداية ........ و يعني يمكن لو ما تعرضت لهجوم في بعض المنتديات و تأكيدهم على الخلاف بيننا ..... يمكن كنت كتفيت بالموضوعين او التلات اللي طرحتهم و انسحبت ........ لكن متل ما حكيت كان هناك من يصر على الخلاف و اصبح الفضول يشدني للقراءة في امور الإختلاف ....... فقرأت قصص اول مرة بسمع فيها ......... عرفت اشياء ما كنت بعرفها ........ غيرت فكرتي ببعض الأمور و هناك امور لم افهمها و امور لم اقتنع بها !!!!!!!
المهم قبل يومين طلبت مواقع نقاش بين علماء الدين في امور الخلاف بين المذهبين ..... و طبعا الأخوة ما قصروا ....... بدأت اقرأ مرة بكتاب مناظرات عقائدية و مرة بكتاب ليالي بيشاور ( طبعا حسب وقتي ) و بفوت على منتداكم و بفوت على منتديات السنة وبكون فاتحة مية موضوع ( بعرف رح تحكوا تشتيت ) بس الشعور اللي حاسيتو هلا نهائي مو مريح ........ يعني كنت بعتبر حالي متدينة في بيئتي ( الصلاة , الصيام , الزي الشرعي , الأخلاق ) ازا كنت افوت بأمور العقيدة كنت افوت على اساس اثبت انو دين الاسلام هو الدين الحق و هو من عند الله .... فكنت كتير افوت بامور الاعجاز العلمي و احب اناقش فيها لعل وعسى يتأثر الناس و يعودوا الى دينهم ....... لكن معلوماتي عن المذاهب و اختلافاتها تكاد تكون معدومة ........ ما بعرف ازا كان اللي بمر فيه حاليا فيه الخير او الشر .... ربنا يلطف بحالي ............ بالعادة قبل ما انام بقرأ قرآن و بقول ( اللهم اني اشهدك و اشهد حملة عرشك و ملائكتك و جميع خلقك انك انت الله لا اله الا انت وحدك لا شريك لك و ان محمد عبدك و رسولك ) و اكررها اربع مرات ......... بس امبارح بعد ما عملت هيك لقيت حالي بحكي .... و ان علي وليك .... اللهم اني اشهد ان علي وليك ...... الصبح حاولت انسى اني عملت هيك !!!! ما بعرف ليش ..... و قررت ما افتح الموضوع مع حد من الي حولي ( ضمرت في نفسي اني رح احكي مع اختي لأنها دارسة تربية اسلامية و عندها معلومات اكتر مني بس مو في الوقت الحالي )..... بس صار غير هيك ..... رح اكتب شو صار هلا برد تاني علشان الموضوع ما يكون كتير طويل ...... |
بانتظار التكملة بكل شوق
و الله يوفقك |
ننتظر التكمله
|
ثبتنا الله وإياك وجميع المسلمين على قول الحق واتباعه وحشرك الله مع من تواليت به سيدك ومولاك أمير المؤمنين علي بن أبي طالب وأولاده الهدات الميامين صلوات الله وسلامه عليهم أجمعين ورزقنا الله وإياك في الدنيا زيارتهم وفي الآخرة شفاعتهم وأهنيك على عقلك الراجح وتفكيرك السديد اخوك في الله خادم محمد وآل بيته الطاهرين عبد محمد |
ننتظر التكمله <<<<<<<<<<<<<< متشوق حدددددددددددده
|
متل ما خبرتكم كنت ناوية ما اتناقش مع حد من اللي حولي لحد ما يصير عندي صورة واضحة ..... لكن اليوم و انا بتغدى مع زوجي كنا فاتحين على قناة العالم و كان في خبر عن لقاء مسؤول بحريني مع مسؤول ايراني ..... المهم لما شفت المسؤول الإيراني....
حكيت لزوجي : بتعرف في حديث كنت افكر انو الشيعة واضعينوا لكن طلع صحيح ... فحكيتلوا الحديث :كنا جلوسا عند النبي صلى الله عليه وسلم فأنزلت عليه سورة الجمعة : { وآخرين منهم لما يلحقوا بهم } . قال : قلت : من هم يا رسول الله ؟ فلم يراجعه حتى سأل ثلاثا ،وفيناسلمان الفارسي،وضع رسول الله صلى الله عليه وسلم يده علىسلمان، ثم قال : ( لو كان الإيمان عند الثريا ، لناله رجال ، أو رجل ، من هؤلاء ) . حدثنا عبدالله بن عبد الوهاب : حدثنا عبد العزيز : أخبرني ثور ، عن أبي الغيث ، عن أبي هريرة، عن النبي صلى الله عليه وسلم : ( لناله رجال من هؤلاء ) . الراوي: أبو هريرةالمحدث: البخاري - المصدر: الجامع الصحيح - الصفحة أو الرقم: 4897 رد علي زوجي : وين المشكلة ؟؟؟ رديت : بس اغلب اهل ايران شيعة !!!! زوجي ظن اني بدي اهاجم الشيعة فبكل عفوية جاوبني بسرعة : شو يعني هدول مسلمين ..... جاوبت : طيب مش يمكن يكون مذهبهم هو الصح ؟؟؟؟ مش لازم نقرأ و نعرف اكتر علشان نعرف مين المذهب الأصح ؟؟؟؟؟ هون تغيرت ملامح زوجي و قال : ازا اتشيعتي بتتركيني ؟؟؟؟؟؟ جاوبت : بس انا ما اتشيعت ...... لسا في امور كتير مش فاهمتها و امور مو مقتنعة فيها و امور اكتر و اكتر ما بعرفها ...... رد : انتي ليش مغلبة حالك .... : لأنو يمكن يكون في امور لازم نعرفها ....... : متل ايش ؟؟؟؟؟ : متل الأئمة ..... انا مو حافظة الحديث بس خبرتو بمعنى الحديث عن الاثنا عشر اماما و انه ثبت صحته ..... خبرتو ببعض اسماء الأئمة اللي السنة بيسموهم و منهم معاوية و يزيد ....... و ان السنة يقولون ان معنى الحديث الدين قائما معناه انه كان قويا ...... فقلت كيف يكون معاوية من الأئمة و قد اخذها من علي كرم الله وجهه و قد حصلت اكبر الفتن في زمنهما فهل هذا معنى الدين القوي ؟؟؟؟؟ كيف يكون يزيد احد الأئمة و قد قتل الحسين عليه السلام في عهده و لم يعمل شيء لقاتله و قد سبيت نساء آل بيت النبوة ..... ( زوجي كان مصدوم من نقاشي و كأنو مو مصدق شو بحكي ) و قرأت قوله تعالى " إنما وليكم الله ورسوله والذين آمنوا * الذين يقيمون الصلاة ويؤتون الزكاة وهم راكعون " و اخبرته بأني بحثت في التفاسير فلم يكن هناك من زكى و هو راكع الا سيدنا علي كرم الله وجهه ....و الآية تنص على وجوب الولاء له ربطتها بالولاء لله و رسوله عليه اشرف الصلاة و السلام .... جاوبني : طيب سيدنا علي بسرعة حسب قديش زكاة ماله بتتطلع و هو راكع و ساواها بهاد الخاتم !!!!! رديت بسرعة : مش هون العبرة .... العبرة انو ما في حد تصدق او ادى الزكاة و هو راكع غير سيدنا علي فالآية بتشير لألو ....... طبعا زوجي خاف علي متل ما كنت متوقعة و حكالي مو من أي مكان توخدي معلوماتك .... و حاول يغير الموضوع و بعدها طلع كان عندو شغل العصر ..... حسيت اني لسا بجو المناقشة فقررت احكي مع اختي ( في الرد القادم ) بس بحب اخبركم انو قبل ما افتح الموضوع مع زوجي اخدت منو وعد انو ما يفصل النت عني و ما يمنعني من القراءة .... مع انو منتقد حالتي في اخر فترة و انا دايما بالمنتديات .... لكنو اعطاني الأمان .... انشالله انو ما بيغير رأيو |
بشكر كل اللي رد بس انا هلا مضطرة اروح .... زوجي روح و بدو عشا ..... برجع بعدين
|
الحمد لله الذي جعل لسانك ينطق بشهادة امير المؤمنين ..
تأكدي ياختي بأن الموالين هنا لن يترددو لحظه واحد عن افادتك بأي شي تحتاجينه ... والله ولي التوفيق |
اللهم صلي علا محمد وال محمد ربنا ارزقنا البيان والاستبيان ولا تجعلنا من المعاندين في ما نحن عليه وبين لنا امرن رشدا يا ارحم الراحمين وصلي ياربي على محمد واله الطيبين الطاهرين اللهم صلي على محمد وال محمد |
اللهم صلِ على محمد وأل محمد الطيبين الطاهرين اسئل الله سبحانه وتعالى ان يوفقكم ويرزقكم ولاية امير المؤمنين علي ابن ابي طالب عليه السلام وأهل البيت بعد النبي محمد صلى الله عليه وأله وسلم والبرائة ممن ظلم واعتدى على أل محمد الطيبين الطاهرين ننتظر التكمله للحدث الشيق بالتوفيق |
| الشبكة: أحد مواقع المجموعة الشيعية للإعلام الساعة الآن: 03:47 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024