|
يا شين شهر رمضان لجاك على ناس
بسم الله الرحمن الرحيم
اللهم صل على محمد وآل محمد الطيبين الطاهرين وعجل فرجهم يا كريم . سلام عليكم ورحمة الله وبركاتة كلكم والله لكم الشوقة يا منتداي الغالي . على العموم في موضوع حليو صادفني من أول ما دخل رمضان وأنا متصبر الله ويش أسوي يالله نفككم أشوي وندخل بالموضوع . ويش أقولكم والله في القلب غصة وورمة ودي أفجرها على واحد كل يوم بس متصبر . هذا يا اخواني لازم في كل يوم يصادفني شي أما أنة واحد يعنفش بوجها كأني ساطر لة ولدة ولا متحرش بة واخلقة زفة ووده يلطمني على عيني لو أتكلم وكله ليش رمضان كريم وانطم ولا تحشي بعد وإذا قالك شب قلة أن شاء الله أية ليش . كأن الله يقولة صم أهم شي عادي لو تذبح احد ما عندك مشكلة . الي خلاني أقول لكم هالبداية المحزنة والله من كثر ما أشوفة من البايع أو الماشي في الطريق أو المحاسب في البقالة أو الراكب في السيارة أو السايق . والله كلهم راح أذكر لكم شي . هذا أنا مار وقاعد أمشي كالعاده في رمضان على غفلة نشوف فعاليات شهر رمضان كريم الله يخلف أنا كالعاده الابتسامة لا تفارق محياي وقت الشدة والرخاء على العموم كنت ماشي مرية وسلمة وانا ماشي على واحد . ياليتني ما سلمت حسيت انة يقول شب ولا كلمة كنت بقولة هدي هدي بس قلت خوفك يجيك طراق كمل طريقك . تمون يا شهر رمضان هذي واحد من مليون موقف وجايكم بالبقية . داخل البقالة وكالعادة أنا الشاب المطيع رايح أشتري كان أوصل لنقطة التفتيش الي أهي المحاسب وأسئل الهندي كم لك قال لي خمسة ريال أنا العادة أحط الفلوس بالمخبة الفوقي طلعة ريال سهواء وعطيتة أياه وأنا أطالع الجهاء الثانية ما أشوف الا الهندي يخزني وواقف وأنا يا زيني ما أدري عن شي وأقولة أخذ حسيت الهندي ودة يحطني بدال الخمسة في الصرافة أوة الهندي معصب وانا مبتسم له زادة الطينة بلة كأني صرة أنا المقيم والهندي أهو المواطن يالله ما علية . تمون يا شهر رمضان زين نجي للموقف الثالث انا داخل بخلص معاملة في أحد الاداراة الحكومية وأسئل عن القسم الفلاني ويرسلني هناك وذاك يرسلني على الي هناك وفي النهاية وصلنا عند الاخ طويل العمر السلام عليكم رد ونفسة واصلة لخشتة وعليكم السلام نعم والوجه الله لا يوركم كأنة متعاند وياه .وحالف أنة ما يضحك ولا يبتسم . انا في خاطري قلت أدري أني ما راح أخذ شي من وراه دام بدايتة نعم . أخوي هذي المعاملة راسلني عليك فلان زين المطلوب . أنا أقول أيوة ردد ياليل ماطولك عارفين أنة ما راح ناخذ شي من وراة . قلت له أبد شوفها قال لي تعال لي بعد الصلاة . يا بن الحلال غير بدل قال بعد الصلاة تبي ولا شوف لك واحد يخلصها . عدل شغلك والله لقالك لصار عمك شلب قلة حاضر يا عم شلبان . على العموم رجعت بعد الصلاة دخلت المكتب ما لقيتة المكتب فاضي دخلت أسئل عنة ما موجود قالوا لي أنتظر أنتظرة ساعة ما جاء قلنا يالله يمكن يتهجد أو يقراء القرآن وناوي يختمة في ركعة وحدة أنتظرنا نص ساعة ثانية ما جاء . المهم فهمنا ان كلامة مأخوذ منه خيرة وحسافة الوقت الي جلستة في الادارة . أوة يالموقف الرابع أوه أوة هذا الي لازم كل يوم أحصل منة حسنات ويا زينها من عاده بس في نفس الوقت ودي أتنازل عن الحسنات و أذبح الي يسويها فيني . أنا ماشي بالسيارة كالعاده قريب من أذان المغرب لازم أخذ لي فرة على فرتين حتى يأذن وأروح المسجد المهم تعرفون الاشارات واجب الوقوف عندها الحاصل أنا لوقفة في الاشارة تجيني مليون وستين ألف سبة ليش توقف عند الاشارة ليش لأنة أذن ممنوع في شهر رمضان توقف أشارة عند الصايمين وأهم شي عند الاذان كل هذا عشان يلحق يفطر ويشرب لة زقارة أما عاد كل هذا لأني ولا تحصل واحد ضاغط على الهرن (( البوري )) حق السيارة أليمن ما أوخر ولوخرة لة الله لا يهينك أستقبل حسنات من وراة ولا أن كثر عليك خزك بعينة الي تطيح الطير من السماء وانا الابتسامة شاقة وجهي . تعرفون الابتسامة في هالوقت أحسهم كل ما شوافوني على هالحالة ودهم ينزلون لي بعجر ويمشوني زحف للمشفى بس الوقت ما يسمح وقت فطور ههههههههههه . وعني انا اقولك أنا متشكر لك أنك تنازلة وصمت وهذا طبعا تفضل من جنابك . وإذا تبي عني لا تصوم أحسن لك . ويش أقولكم يا أخواني يعني ما لازم تصوم إذا كانت أخلاقك زي كذا ما عليك الله ما راح يعاقبك لأنك ما صمت لا راح يعاقبك لأنك شايف رمضان كأنة شهر غصب عليك . مع تحياتي لكم وحبي وتقديري للجيع عامة أخوكم في الله الحر |
عن جد مواقف محزنة اخي الحر
الله يكون بعونك وعون كل من يصادف هذي المواقف اني لااخرج كثير ولكن صافني موقفين مثل مواقفك الموقف الاول في اليوم الاول ذهبت لجارتنا لحتى ابارك لها بالشهر الكريم كعادتنا كل سنة رئيتها عابسة فحاولت ابتسم واني اكلمها واضحك ثارة وابتسم لعلها تفرد وجهها وبعد دقائق مرت علي وكانها ساعات قلت الحرمة الظاهر مشغولة واني جيتها في وقت غير وقت استاذنت منها وودعتها الاواشوف شبح الابتسامة على وجهها ههههههه زين لو خبرتني بانها مشغولة بيكون عادي فحنا جيران واخوات مابينا شيء وثانيا اني دائما مشغولة وماعندي وقت وزياراتي ما تزيد عن عشر دقايق اذا طولت طبعا وثاني موقف مع الخباز الي جنب بيتنا بتقول رايحة اشحت منة الخبز ماكو الااني اشتري خبز الا واشوفة يصرخ علي ويقول بعدنا ماسيونا خبز ههههههه ووجهة عابس وشوي ويطقني طراق على وجهي ,, مع العلم باني رايحة الية الساعة 3 بعد الظهر انا للة وانا الية راجعون اللهم اني صاااايم |
ههه الله يكون بالعون
نادر ما نشوف ناس مبتسمة خصوصا نهار الشهر الكريم يعطيكـ العافية اخوي الحـر وهم خيتي البحرانية لسرد المواقف اللي حصلتـ .. قاعد افكر جان في مواقف جت في بالي لكني انسى هالمواقف ما احب اتعب مخي واحفظها :p وبالعكسـ انا اشوف ان الإبتسامة خصوصا في نهار الشهر الكريمـ تعطي الشهر طعمه وحلاوتهـ اكثر واكثر يعني الواحد يشعر بتقارب القلوب وصفاء النفوس ربي يدوم عليكم البسمة والفرحة ان شاء الله ويبارك ليكم في شهر اللهـ شهر رمضان :) |
|
الله يكون بالعون
مشكور ع الطرح |
اقتباس:
|
اقتباس:
|
اقتباس:
حياك الله أخت حسناء علي وسلمت من كل شر منورة |
اقتباس:
|
هههههههههه
مواقف اضحكتني عن قلب يسلمووووووو |
| الشبكة: أحد مواقع المجموعة الشيعية للإعلام الساعة الآن: 05:20 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2024