زلزل الكوفه
 

زلزل الكوفه *مسلم تشوفه
مسلم و ماهاب كل جــــــــيش الكفر
لحضرة المذبوح يســـــــعه ويعتمر
وعزمه عزم الحــــيد عباس الكمر
علومه معروفه*مسلم تشوفه
حاطته العدوان طوعه هلهـــلت
والطفوف بسيفه هاليوم ابـــــتدت
تحشمه طوعه وبالصميده هوست
يرعب الكوفه* مسلم تشوفه
مسلم وماخاف كل اهل الظــــلال
سيفه بيده ورسم لوحه من الكــمال
احتارت الكوفه وعلي بنسل الرجال
للعده خوفه*مسلم تشوفه
صح وحيد وادارت عليك الالوف
انته اول رفض في وادي الطفوف
انته حق وعميه عينه المايشوف
وابد منعوفه*مسلم نشوفه



وي حميده ايتام شيعتكم صفت
جي نحبكم ا ل امــــيه عاودت
هجرونه وفجرونه وماكــــــفت
بكلبي احروفه*مسلم تشوفه
لو محبتك موت مانــــــــترك هواك
ارواح مرخوصه ونظل نتبع خطاك
المناحر كلها يامــــــــــــــسلم فداك
الشيعه معروفه*مسلم تشوفه
روح شاهد صرحه وتشوف الضريح
بكل وكت و حياك للكاصـــــد يصيح
باب للحـــــــــــاجات يافادي الذبيح
شيعته تطوفه*مسلم تشوفه

خادم الحسين*عدنان منعم