منتديات أنا شيعـي العالمية - لِــبَــسْــنَه الخَــاكــِي

لبسنه الخاكي

==============

بقلمي جعفر ملا عبد المندلاوي

28-8-2014

لِبسنه الخاكي بعده الخاكي ما منسي = وتحزمّنه الرصاص الوطن رايدنه

ينخانه الوطن وگلناله عـد عيناك = نسـينـه اجروحنه واجروحك اضمدنه

هله بصوت الفشگ من يشبه المگوار = والعشرين صارت رمز ثورتنه

كافي يا وطن بچـّيت حتى الگـاع ==== حتى بالـمهد رضعان طوعـنه

سرايانـا وكـتائـبنا إجـت آلآف == يـنـطي الـروح لعـيـونـك مجاهـدنـه

يا اغـلى وطـن لبـّـيـنه هـا جـيناك === والراية بفخر عالروس علـّـينه

وي فـتـوى الجهاد الزحف بالمليون === نعـم للمـرجعـية ويـاك ناديـنه

لَمْ شمل الوطن بالحكمة ينطق دوم == برجاحة عقل مثل الأب يراعينه

صمام الأمان اتسـمه بين الناس === يـظـل ســيد عـلي للـموت رائـدنه

ابن البصرة وابن الكوت والانبار == على الجبهات ما ملت سواعدنه

واهل النجـف وديالى واهـل ذي قار == بالمـيدان يـنعـد بالـف واحدنه

وثوار السماوة وبابل ومـيسان === وِكفوا سُور ما واحد گــدر يدنـه

وابن القادسـية وكربلا وبغـداد == صاروا رمح بعـيون العُـبر حدنــه

وأهل الموصل وسامرا وي كركوك = ضربوا مثل للشجعان مِن عدنه

وعشايرنا انتخت من زاخو حتى الفاو= تسحگ داعش وكل خاين اغدرنه

خوتنـّـه اصيله مثل هالنهرين === لجل عين العـراق الكّـل توحدنه

لكن حيف خائن من بطن أربيل == زيدلي الجرح وفـّـرط بوحدتنه

يقضم بالوطن والنفط لسرائيل === يـاكل بالعنب ويكسر بسلـتنه

نعرفها الجذور النابتة بصهيون == خبيثة وراسخة بالدم عداوتنه

بلايه مستحه وصار اللعب مكشوف = بعد ما ظل صبر انتظر جيتنه

لا كل داعش ولا كل نذل خوّان == ثِـرنـه عالظلم هيهات شـيردنه

نحلف بيك يتراب الوطن مرات == كلنه نموت لو عالنصر موعدنه