منتديات أنا شيعـي العالمية - وسفه فاركته * عالنهر عفته * كفيلي

وسفه فاركته * عالنهر عفته * كفيلي
بين عدواني * لا مينســــاني * كفيلي
*********
عالنهر مــن شفته دامي مكطعه الجفوف
مــن كربت يمّـه ونظرته هامه مخسوف
والسهم نابـــــــــــت بعينـه فاكــد الشوف
كلبي ضل بريبه خايــــــف ممتلي خوف
راح إيثــــاره * وغابت أنواره * كفيلي
بوسط ميداني * لا مينســــاني * كفيلي
*********
كعدت يمـه وردت أداوي بيدي الجروح
حرت يـــا جرح الأشدّه ودمعي مسفوح
لن شمر جاني وضربني وفـــزز الروح
على ذاك الحــــــال عفته لخيّ مطروح
مخضّب بدمّه * صاحب الهمه * كفيلي
صوابه أذّانـي * لا مينســـاني * كفيلي
********
رجعت مـــــن يمه حزينه صوب الخيام
لكيت محروكــــــــــــه خيمنه بيد ظُلاّم
كمت عالأيتام أناشــــــــــد خاف تنظام
من الرمـــــح ناداني راسه هاي الأيتام
سمعته من ناده * قائــــــــد القاده * كفيلي
بيها دلانـــــي * لا مينســــاني * كفيلي
*********
عالرمح راسه وجمعلي كـــــــل الأطفال
وأسمعه الصوته ينــادي صبري عالحال
خيتي يــــــــــا زينب تكفلي الليلة العيال
حرمه أنتي وأنـــــه أحسبج بألف رجال
كلّي داريهـــــم * عينج عليهـــــم * كفيلي
بهل وضع جاني * لا مينســــاني * كفيلي
********
ليلي مـــــا نمته وحرسته الظعن الحسين
وأنه طــــــــــول الليل أنعي وتدمع العين
على نعيي سمعــــت صوت وأسمع ونين
لن يتيم ينادي عمّــــــــــــــــه والدي وين
كوّه صبّــــــرته * بهمّـه شاركته * كفيلي
بموقف انساني * لا مينســــاني * كفيلي
*********
ليلي هــــذا المـــــــــر عليّه شيّب الراس
مـــــن طلع صبحه اجتني زمرة أرجاس
كلها متشمته وتنــــــــــــادي وينه عباس
راح منج حامي خدرج أبــــــــو النوماس
كطعنــه جفينه * مصوّب جبينه * كفيلي
بجلمته عماني * لا مينســــاني * كفيلي
********
عفته للعباس أخويـــــــــه دامي مسلوب
معفّر بدمّــــــــه يويلي وشيبه مخضوب
أندب الباري بمصابــــــــه وصبر أيوب
ينهي للمهدي غيابـــــــه ويجلي الكروب
وياخـــذ بثاره * هوّ وأنصاره * كفيلي
النهجه ربّاني * لا مينســــاني * كفيلي

الشاعر
خادم الحسين (ع)
قاسم حتروش البلداوي
خادمكم
أسألكم الدعاء