|
قصيدة (لون خطواتك ) الى سيدة الكائنات
لون خطواتك لــون خطواتك صــــبح والـدرب لــــيل والـــتراب اتلامسه يـــــــــــخضر نـجم نـــبرتك جـــــبريل اثــــناء الصـــــــــلاة وكفــــتك يوم الحرب جانــــــــــــت سـلم وبسمــــــتك تسبغ وضـــوء الانـــبيـــــاء وبطن كل كلمـــــــــــه من حــــجيك علم وهاي شــــمس الله رســــم وجـــهك اكيد ومن اصـــــــــــرح خاف مجنون انتهم الشـــــمس وي وجــــهك اتســــاوة ابيش اشلون شيساوي الحقـــــيقه ويه الـــرسم ومــــو حكر مـــولاي بس عالمـــسلمين منهو يكدر يحتـــــــــــــكر طــــعم النسم لــون سيف الـــــجوع ينسل عــــالمسيح بدرع خبزك بي تحـــــــــــــط مية ثــلم ولو يهودي تشــــوفه عاري بغير ثــوب تنزل ادموعـــــــــــــــك وتتحول هــدم يارسول الله عـــــجيبه الحـــــــــاربوك عقولهم صحـــــــــــراء من ماي الفهم غيمهم وكت الحرب بــي بس رعـــــيد وانــت غيمك بالحــــــــرب يمطر زلم جنت مــــا تقبل نــــشم الورده حــــــيل حتى لاتتروع انشمـــــــــــــــها بـــسلم وصرح الــعاكول بغـــــــضا بالســـلام يكـــــــــول جـــرح الــورده لازم يلجم ومــــــن سمعنه بــــأحد ترجع من جديد الخوف شفــــنا عالكصص صاير ختم الــــــجبل هالمــــره كالوا مايـــــــروح وكــــبل لاتـــــرجع احد وتكـــــول احم ركــــضت اطويريج ركضوا يالرسول عالغنــــــــــائم واحنه بالـــــــدم نستحم وعلـــــــمتنه بخلقك انعوف المســــــيئ اخوان كلــــــــنه والجــــــرح خل يلتئم مسحنه اثـــــــار الســـياط البلمتـــــــــون والاعلام اعلـــــيه ســـــــــئل كلنه وشم وعلمـــــــتنه انـــطاول السبعه جلــــوس اوي طــــــفلنه الازغـــــر اطولهم قزم وهسه ذيل يريـــــدنه المـــــــاله اســاس ومــــا يصــــير وداعتك لو بالــــــــحلم علــــــمتننه انصير خــــشم الـــعزه دوم اشلون ذيل أيــــصير يا طــــه الخشــم |
الله رائعة يا زيد السلامي عشت وعاش هذا النفس الولائي الاصيل وزادك الله نورا وعلما في حب محمد واله الاطهار دمت مبدعا بكل معنى الابداع مودتي لك |
السلام عليكم
هنا نخوه واصرار وحروف صادحه سيدي الكريم لا أقرأ جديدا فما عرفته من حرفك يدل عليك ادامكم الله لما هو خير وبميزان حسناتكم اقبل تحيتي |
http://files.fatakat.com/2009/12/1260229896.gif
http://www.ss1ss.com/albumsm/107996.gif http://zafrany.jeeran.com/%D8%B5%D9%...9%83%D9%87.gif وعلـــــــمتنه بخلقك انعوف المســــــيئ اخوان كلــــــــنه والجــــــرح خل يلتئم مسحنه اثـــــــار الســـياط البلمتـــــــــون والاعلام اعلـــــيه ســـــــــئل كلنه وشم تمنيت ان اكون اول شخص يرد على موضوعك الجميل والرائع يلا ماكو فرق الان رديت ولا غريب عليك ان نرى ابداعك في هذه القصيدة الرائعة والجميلة فتقبل تحياتي واحترامي لك واتمنى ان لاتحرمنا من ابداعك ولا من جديدك وانشاء الله تبقى دائما خادما لاهل البيت عليهم السلام وشكرا اسفة طولت عليك اختك |
اقتباس:
اقتباس:
القصيدة رائعة سلمت يمناك اخي زيد السلامي |
يسلمووووووووووو
|
اقتباس:
شكرا اخي احمد الشاعر الرائع دام ودك وشعرك |
| الشبكة: أحد مواقع المجموعة الشيعية للإعلام الساعة الآن: 08:49 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2024