|
اسمك بسملة بلسان الابيات
للامام الحسن المجتبى عليه افضل الصلاة والسلام اسمك بسمله بلسان الابيات ونشيد من الصفه باجلال منشود يا چف السمه الينضح عطاءات يا باب الهدى الما يوم مسدود يا نفحة يسر تفني المعسرات زود اعمارنه بطاريك مشدود اسمك حمل للاعجاز ايات ومكنون العدالة واصل الوجود هيبة تاج هامات الكرامات سمت بيك المعالي وارتوى الجود ابثخن فيك غفت عين السماوات يا جنح الامان الدوم ممدود باعتابك تحج طاعة الامارات امارات المجد والفخر والزود بچفوف البخل عمر الكرم مات ونسيم اسمك حياه للعالم اردود للعالم سبيل تفيض خيرات واحسانك على الكونين مشهود الك اهل الدجل خلو نهايات وانت بيا فرض تنحد بالحدود تمر نسمة حقيقة بينه ذكراك ويفز عمر الضمير الچان مفگود ثورة وفكر حر واصرار شفناك وابعالم فتنّه اليوم مريود كل طه وعلي تحمل مزاياك صاغك من كماله در المحمود سر عمر المعالي احتضن معناك يا برهان ساطع للحق ايگود ابقدس ذاتك تجلى الهام الادراك وظل لاهل الالباب ابمعرفة ايجود تمر بيك السنين وتحيي ذكراك وعلى ارباب الجهل منهاجك ايسود شمس يا ليل يگدر يمنع اضواك صرت للمشرقين ابنور مورود ترتيلة عشگ بالطهر نقراك وندور بالنبض نلگاك موجود سندنه من يصير الضيج فتّاك وابد ما يخوه حيله البيك مسنود دنيا واخرة مولاي بحماك ودمانه ابفخر حبك صاغت اعهود احمد العتابي العراقي |
الله الله الله
دام قلمك المبدع يااستاذ احمد العتابي ورزقنا واياكم شفاعة الحسن المجتبى عليه السلام مبدع يااحمد ومسدد ان شاء الله خادمكم ابو ظاهر البركي |
السلام عليكم الغالي والرائع احمد العراقي موفق على هذه القصيده الرائعه والله يتقبلها منك دمت بكل خير رياض الرسل |
يا چف السمه الينضح عطاءات يا باب الهدى الما يوم مسدود الله الله سلمت يمينك ايها المبدع تحياتي ودعواتي لك بكل التوفيق |
الله لا يحرمني من عبير هذا اليراع العطر تحية لك ايها الحبيب |
أحسنت أخي أحمد العراقي على هذه الكلمات الرائعه في حق كريم آل البيت (ع) ينصرك الكريم ويسدد خطاك تحياتي |
اللهم صلي على محمد وال محمد بارك الله بك اخي الكريم على هذه الابيات الرائعه وجعلها في ميزان حسناتك تقبل مروري خادمكم الشاعر حسن خليفه |
| الشبكة: أحد مواقع المجموعة الشيعية للإعلام الساعة الآن: 02:50 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024