منتديات أنا شيعـي العالمية

((ماطاب الجرح))

***************

طلع وكت الصبح گاصد المحرابه **واخبار السمه بآلامه وصوابــه

خطوه بخطوه تمشي من فتح بابــه ** عرف بالموت هذا اليوم وتقدّم

**************

المنيّه ݘانت أتفر من يلاگيهـــا **أوعدوّه احتار ݘنّه واگع أبتيهـــــا

بيمنه الصارم ومن يگدر عليها **الموت اعله اليواجه حيدره أتحتّم

***************

دين الله حماه برايته وعدلــــــــــه **وعن الناس أبد ماينگطع وصله

اصعب معضله أيحلها عليه سهله **مضيفه عامر وخيره علينـه عم

************

فلاسفة الزمـــــان أتحيرت بأمره**ماتگدر تجاري علومه متحيره

علي هوَ البلاغــه وفارس القدره **يحل كل المشاكل يمّه لو تلتلم

**************

بالصبر وشجاعه حارس الاسلام **وبݘفه الحنين العسل للأيتام

طبعه مايرد صرخته للمنظــــــام **والظالم لوه راسه ومنّه أنظم

***************

بأشاره من الرسول تشوفه گام بساع **بأيمانه يشّد أوتاد هاي الگاع

أو لومه ضربة الخندق الدين أنباع **وبأخلاصه أوثان الشرك هدّم

****************

وجوده الدين وأركان الهدى الخمسه**أبهاي الدنيه من غيره الحياة تعسه

هارون النبي وروحه علي نفســــــه**خاواهم الباري ومنهو مايعلـــــم

*************

أنرج الكون بمصابه وصرخ جبريل **اركان الهدى اتهدمت والتنزيــــل

والآيات تبݘي فاگده التأويـــــــــــل **وشهر الصوم والمحراب يبݘن دم

*************