|
~*~ يوم فــــــي حــــياة عضو واخباره ~*~
~*~ يوم فــــــي حــــياة عضو واخباره ~*~ موضوع جميل وخفيف وياليت الجميع يشارك فيه وفكره المووضوع انه راح نستضيف عضو ويقول لنا اخباره وراح يقولنا يومه من اول ما قام الصبح ليين الوقت اللي هوه قاعد يكتب فيه يعني نتكلم بمواضيعنا بحريه و عدم التقيد باالاسلوب يعني حريه التكلم بعفويه وهذا احلى شي علشان نتعرف على شخصيات بعض اكثر ولما يخلص هالعضوو من يومه يختار اي عضو ثاني بعدو يكتب يومياته وان شاءلله تستاانسوون بهالموضوع يعني يتكلم عن يومه والفصلات و الروحات والجايات والاسرار و الجرائم والمواقف و مو شرط اذا يوم اجازه ولا يوم عادي و ذكر التفاصيل عشاان نفصل شوي وان شاءلله يعجبكم المووضوع وتتفاعلوون معااي .. والعضوو الاول اناا اللي رااح اختااره... اممممممممممممممم راح اختااار فلاان ...~ ....!! ملاحظة:لاتنسى تختاااار العضوو اللي راح يكون بعدك.. تحياااتي للجميع. |
يسلموووو غناتي عالفكره الحلوه ويعطيج ربي آلف عافيه ...، لا ننحرم منج...، وإنشاء الله نلقى التفاعل تحيآتي لك.. |
فكره حلوه حبيبتي والله اني هم عاجبني اعرف الاعضاء شلون يقضون وقتهم وحابه اعرف اشياء يمكن اول مره يكولوهه علنا بس طلب ياريت كل عضو يدخل يتكلم بصراحه وميخفي شي ويذكر عمره بعد(الحقيقي)هههههه مشكوره
|
فكرة حلوة اتمنى اني اعرف اخباركم جميعا
اليوم الصبح بعد ماصليت ودعيتلكم رجعت نمت وبعدالاستيقاظ فطرت(بالعراقي نقول اتريكت)وبعدها رتبت البيت وصليت الظهرين وصنعت الغداء وذهبت مع اختي للسوق لشراء القاط الرسمي لانها سوف تتخرج من كلية الهندسة ان شاء الله تعالى ورجعنا للبيت وصليت العشائين بعد ان اتى علينا الوالد والوالدة الله يحفظهم وتعشينا وها انا الان احدثكم والحمد لله بعدد ماشرقت شمس واضاء قمر.اتمنى من اخي (الحب احساس مو كلمة )يحكي لنا يومه |
اللهم صل على محمد وآل محمد
اختي حكآيــآ .. ممـ مشكورة على اختيآري ^^ وصدفة اليوم جاي مكتبة الجامعة وإلا بالعادة ما ادخل نت وسط الاسبوعـ .. وخيتي بنت رقية شكلها ما تبيني اقول دوري :p طيبـ .. نبدأ ببسم اللهـ .. ممـ اليوم دوآمي يبدأ من 11 ونص الظهـر فالبآرحة سهرتـ للـساعة 2 ونص تقريبا وبعدهآ نمتـ .. قبل النوم كان جنب المنامـ 3 اغراش ماي من الوالدة الله يحفظها خخخـ وكانت معلمة كل غرشة .. في غرشة كبيرة لتر ونص اظن وقاالت هذي من الشيخ الفلاني قاري عليها .. وفي غرشتين ام نص لتر .. وكل وحدة قاري عليها عاالم ثاني خخ فمخلي الكبيرة للشباب في الشقة .. وعلى 3 كنت نآيم .. و5 قمت للصلآة وصلينا على محمد وآل محمد .. وشربت من الغرشة المبروكة ونمت هع وكل ساعة اقعد من النوم واحس بنشاط بس بااقي على دوامي وقت وخليت المنبه على الساعة 10 .. حتى يمديني افطر واصحصح واطلع للكلية بس لما جت 10 وانا اقعد من النوم احس برغبة كبيرة في النوم :D << العيآرة تطلع قبل وقت المحاضرة .. ونمت إلى 11 :D وصحيت وتغسلت ولبست الثوب وفيه كيس بسكويتات وهالحاجات وربيان نسمة :D عند المنام ( لأن ان خليته في الصالة الشباب ما بيقصرون وما بشوف منه شي) فإذا الوالدة ضبطتني بأشيا حلوة اخليها في الغرفة :p واخذيت بسكويت على موز واكلته وشربت كاس ماي وطلعت وعلى 11 وممم تقريبا 12 دقيقة كنت مشغل السيارة وكانت حارة من الشمس صار لي اكثر من يوم مو مشغلها وخليت النوافذ والباب مفتح شوي حتى تطلع الحرارة وتحركت من الموقف تقريبا 11 وربعـ وما شغلت المكيف كانت الحرارة 33 درجة مؤية قلت اشغله اذا وقفت للإشارة الثانية .. وسبحان الله يوميا اطلع متأخر وكل اشارة تصيدني اما اليوم الثلاث اشارات فاتحة في وجهي -___-. والاشارة الرابعة قلت اذا ما صادتني لازم اجنب في الشارع جان اشغل المكيف لا افطس هههـ والحمد لله الاشارة الرابعة صادتني وتوقفت فيها >> اول مرة احس بقيمة الاشارة هع وعلى الساعة 11 و28 كنت وصلت الكلية ونزلت والدكتور تأخر وعطوني الشباب ورقة اوقعها حتى تنفتح لنا شعبة ثانية لعملي البيكتيريا لأنها يوم الاحد والساعة 1 ونص واحنا يوم الاحد كلش فاضين ووقعنا على ان تنفتح شعبة الساعة 10 ونص وتذكرت اني ناسي الاقلام في الشقة -___-. وصديقي مقلمته نساها في الكلية الامس و اليوم جا يدورها ما حصلها واستعرت من احد الشباب .. وفي نهاية المحاضرة وكانت محاضرة الاميونيتي (المناعة) الدكتور وزع اوراق الكويز اللي فات والحمد لله درجة ما توقعتها في فراغات واختيارات كنت حالنها من عندي :p والحظ الحمد لله دوم ان شاء الله كذا وياي هه ومشيت من الكلية 1 إلا ربعـ .. فضلت اني اصلي في الشقة على تربة حسينية افضل و بعد الصلاة حسيت ان اقدامي وانتوا بكرامة محتاجة تنتعش وغسلتها بماي بارد خخ ورحت الصالة اسولف مع عشوق .. وكان في مكرونآ مسوينها من عشا البارحة .. صخنته للغذا .. بس كان فلفل حآآر فزودته ماي جان تخف الحرارة ههـ + عصير برتقال الري(ومافيه ميل -مصاص-) وبعد صحن المكرونآ اكلت موزة وخلصت الحمد لله وغسلت المواعين لأن الليل في العادة ينقطع الماي عن العمارة .. وبعدها جلست شوي اشاهد تلفزيون ومن الملل .. رحت اريح ظهري الساعة 3 .. وقعدت من النوم الساعة 5 :D كنت ناوي اني اطلع اشتري جوتي للمشي حتى نسوي لينا شوي رياضة لكن الجو اليوم هوا قوي حتى خرب الدش والمحطات ما تستوي الحين خخ فاخترت اني انام :p وبعد ما خلصت من التسبوحة على قولتهم .. جلسة وضحك مع الشباب اتفقنا بعد صلاة المغرب نجي مكتبة الجامعة نجلس ع النت لأن بكرة محاضرة وحدة بس والساعة 12 ونص عندي وجلست اشرب شآي اخضر بوحدي في الصالة واكل كيك ومكسرات والشباب في الغرفة يسولفون ودخل وقت المغرب وصلينا على محمد وآل محمد وقبل ما اجي كنت متحير في اللابتوب لأن ما عندي قسآم الكهرب واخذيت احتياط قسام التلفزيون :D وفي طلعتنا كانت سيارتي وسيارة صاحبي مباشرة جنب العمارة في مواقف استراتيجية لأن الان زحمة كبيرة في المواقف وكل واحد يتحيل في الثاني ان نطلع بسيارته ههه بالأخير عطيت جهاز سيارتي لصديقي وقلت له سوق انت اجل :p وجينآ المكتبة وكانت شبه فاضية بس اغلب الاجهزة ما تستوي .. وزين حصلت لي جهاز (وما احتجت اني اشغل لابتوبي :D) وفتحت الايميل والمنتديات .. وهدآنا معآكمـ ^_^. وهذي يوميتي .. بسم الله بسوي نسخ حتى لا يضيع اللي كتبته وإلا بنتحر ههه |
وصح اختآر بعدي باختيار الاخت اكريمة بنت رقية عزيزنا (الحب احساس مو كلمة )
|
شكرا على الموضوع
|
الفكرة مرررررررررررررررة حلوة يعني واااااااااااايد حلوة عجبتني وماشاءالله أخونا فلان ماقصر تكلم عن حياته بكل تفصيل بس نسى يقول لنا شي واحد ما قال لنا وهو نايم بشنو حلم خخخخخخخخخخ:D تحياتي للجميع http://www6.0zz0.com/2008/11/29/21/573446350.jpg |
ههههههآآآآ]ي
والله كان اخر حلم عجيب وشوي قعدت افكر فيه :D:D:D:D كنت احم احم ههههههههه الله يغربل شسمة خيتي زائرة >>>>> يقولو لا تقصص رؤياك إلا على ثلاثة بس دام حلم وقريب الظهر !! .. يلا مضمون الحلم كنت شسمة ايي تذكرت شي اخر كنا في شهر محرم وانا في الحلم اقول كيــف جا ششهر محرم بهالسرعة توه شهرين من راح وكنت متحير وانا طالع من المأتم واقول كيف !__! بعدها كنا على سفرة اطعام في الظهر وكان مثل فطور شهر رمضان وكانت السفرة طويلة وكنا مع عائلة الوالد اعمامي واولاد العم وكم رجال واذكر كلهم خلصوو وقاموا من السفرة قعدو على جنب وانا قعدت اكل في صالونة اللحم والخبز :p والمشكلة ان كانت السفرة محطوطة في وسط الشارع العام لكن كان الشارع كأنه مجلس !! يلأأ من يفسر احلام هنآ ؟ ههـ |
فلان يومك مليئ بالنشاط والحيويه الله يخليلك الوالدة واغراش الماي خخخخخخخ لو اعرف افسر احلام فسرت لك حلمتك وموفق |
| الشبكة: أحد مواقع المجموعة الشيعية للإعلام الساعة الآن: 06:36 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2024