منتديات أنا شيعـي العالمية

ياابو صالح

خلصت ايام الصيام وراحت سنين العمر
وباجر يمر عيد بينه وتخلص ايام الصبر
وانت عيدك بالطفوف ويمك رماد الخدر
شايل بجفك تراجي وشيله حاركها الجمر

ياابو صالح

باجر الوادم تعيد والصيام تودعه
وانت عالتل تگضي ساعه وساعه يم المشرعه
تلگه جربه ويمها رايه وجفن يهمل مدمعه
والكفل مطبوره هامه والجفوف مگطعه

ياابو صالح

خلص شهر الصوم راح وراحت ايام الضما
وندعي يا رب الجلاله وينه يوسف فاطمه
بليلة العشرين وينك مات حماي الحمه
وعمتك الصارت يتيمه والجفون مورمه

ياابو صالح

هاي آخر جمعه ظلت من شهر رب الملا
الشيعه تنتظرك يمهدي كلهه سكنت كربله
يم ضريح حسين كلنه ويم كفيل العايله
يمته نسمع صوت زينب من تكلك ياهله

ياابو صالح

العقيله هناك عالتل تنتظر جيتك ضوه
وهي من حادي محرم بعد ماشمت هوه
سنين عطشانه وتنادي ياگلبها الماروه
لابسه حجاب الزجيه وثوب بالنار انچوه

#اللهم_عجل_لوليك_الفرج